• Тақырыбы – құжаттың атауы, жазып отырған адамның аты-жөні.
• Төлқұжат деректері (туған күні мен туған жері).
• Отбасыңыз жайлы қысқаша мағлұмат: аты-жөндері, ұлттары, мамандықтары, қызметі.
• Хронологиялық тәртіпте алған біліміңіз жөнінде мәлімет беріңіз: орта, арнайы, жоғары білім алған мекеменің атауы, факультет немесе бөлім, алып шыққан мамандығыңыз.
• Нақты әрі қысқаша еңбек жолыңыз туралы ақпарат. Мәліметтерді реттілікпен берген дұрыс. Белгілі бір жұмысқа орналасқан, ауысқан немесе қызметіңізден босаған мезгілдерді нақты көрсетіңіз.
• Отбасылық жағдайыңыз туралы мәлімет.
• Әскери борышыңызды өтеген жағдайда, әскери билеттегі мәліметтерді атап көрсетіңіз.
• Өзіңізді қысқаша сипаттап беріңіз: неге қызығасыз, жеке басыңызға тән қасиеттер және т.б.
• Тіркелген мекенжайыңыз, телефон нөмірі және басқа да байланыс мәліметтері.

• Өмірбаянның еркін түрде және қысқаша жазылғаны дұрыс.
• Көлемі 1-2 беттен аспауы тиіс. Себебі, іс жүзінде ауқымды жазбалардың толық оқылмайтыны белгілі.
• Құжат іскерлік стильде жазылуы қажет.
• Сондай-ақ мәтінді қатесіз жазған дұрыс, баяндаманың сауаттылығы сіз жайлы алғашқы көзқарасты қалыптастыратын ескерген жөн.
• Өмірбаянды жазу кезінде хронологиялық тәртіпті ұстану қажет.
• Мәтіннің көңілге қонымды әрі дәйекті болғаны абзал.
• Маңызды мәселелердің бірі – өмірбаяныңызда атап көрсеткен мәліметтердің барлығы шынайы болу керек. Себебі, атап көрсеткен ақпаратыңыздың бірі жалған екені анықталса, бұл іскерлік беделіңізге нұқсан келтіруі әбден мүмкін.

Өмірбаян

Мен, Орынбаев Ахмет Алаярович 27.05.1992 жылы Алматы облысы, Талдықорған қаласында дүниеге келдім. Ана тілім - қазақ тілі, орыс тілінде еркін сөйлеймін.

1999 жылы қыркүйек айында Талдықорған қаласының №65 орта мектебінің 1-сыныбына қабылдандым. 2008 жылы аталған оқу орнының 9-сыныбын бітірдім.

2008 жылдың қыркүйек айында Орта Азиялық экономикалық колледжіне оқуға түстім. 2011 жылы аталған колледждін «Қаржыгер» мамамдығын тәмамдадым.

2012 жылдан бастап 2013 жылға дейін ЖШС «Алматы Су» слесарь болып жұмыс істедім.

2013 жылдың мамыр айында әскер қатарына шақырылып Маңғыстау облысы, Ақтау қаласындағы 5546 әскери бөлімінде әскери борышымды атқыш лауазымында атқардым.

2014 жылы мамыр айында әскери міндетімді атқарып қатардағы жауынгер атағымен оралдым.

Отбасы жағдайым үйленген. 2015 жылы 10 қыркүйекте некеге тұрдым.

Жұбайым: Бакенова Арайлым Қанатовна 10.06.1995 жылы Қарағанды облысы, Қарқаралы ауданында дүниеге келген. Уақытша жұмыссыз.

Ұлым: Орынбаев Мақсат Ахметұлы 18.05.2016 жылы Алматы облысы, Талдықорған қаласында дүниеге келген. №95 орта мектептің 1- сынып оқушысы.

Мен және менің жақын туыстарым сотты болмағанбыз.

Тұрғылықты мекен-жайым: Талдықорған к., Төле би көшесі 4, пәтер 52. Ұялы телефоным: 87012233444.

Өмірбаяндық әдіс — жазушының творчествосын жеке өмірлік тәжірибесінің көрініс ретінде қарастырып, оны творчестводағы өзекті мәселе етіп қоятын зерттеу тәсілі.

Бұл әдістің аса көрнекті өкілі Сент-Бева өзінің "Әдеби портреттер", "Дүйсенбідегі әңгімелер", "Пор-Пояль" атты еңбектерінде жазушының тек ішкі әлемін ғана емес, тұрмыстық жағдайларын тереңірек көрсетуге мән береді. Ол «күйкі тірлікпен тек қарапайым адамдар ғана емес, ұлы адамдар тағдыры да байланыста» деп пайымдап, жазушының «жердегі» «ақиқат өміріне» жақындатуға назар аударады.

Тұрмыстық жағдайларға, кездейсоқ кездесулерге, көңіл-күй сәттеріне, сонымен қатар жазушының мінез-құлық ерекшеліктеріне арналған деректер Сент-Беваның психо-биографиялық портреттік суреттемелерінде көптеп кездеседі. Оны әдеби шығарманың көркемдік-идеялық ерекшеліктерін ашуға септесетін құрал, жазушы творчествосындағы қандайда бір көңіл қоярлық нәрсе деп санаған. Қазіргі кездегі шет ел әдебиеттануындағы монографиялық зерттеулер осы әдіске сүйенеді. Әрине жазушының жеке басындағы жайлардан да оның өмір сүрген дәуірі, сол кезеңнің саяси-әлеуметтік қайшылықтары, қоғамдық өмір өзгешіліктері көрінбей қоймайды.

Жазушының жеке өмірлік тәжірибесі оның творчествосын байытумен қатар, оның өмір-салтының, мақсат-армандарының өзгеруіне әсер етіп белгілі әлеуметтік жағдайда қалыптасқан таптық позициясын басқа арнаға бұру, творчестволық пафосты айқындайтын жаңа идеалдар, жаңа көзқарастарды тудыру да мүмкін. Ян Шпанский өмірбаянды қолданудың бес әдісін көрсеткен .

1. Конструктивтік әдіс . Зерттеуші өмірбаянды белгілі бір көз –қараспен зерттей отырып, әлеуметтік құбылысты осы құбылыс жөнінде белгілі әлеуметтанушылық теория негізінде әлеуметтік бейнесін қалыптастырады .
2. Экземплификация әдісі. Бұл әдіс гипотезаны өмірбаяннан мысалдар көрсету арқылы түсіндіреді.
3. Мазмұнды талдау әдісі.Бұл әдіс негізінен белгілі бір құбылыстардың , жағдайлардың болу жиілігін зерттейді.
4. Статистикалық өңдеу . Статистикалық талдау тең әлеуметтік авторлардың кейбір қасиеттерін , ұстанымдарын және ұмтылыстарының арасындағы байланысты табуға тырысады.
5. Типологиялық талдау . Бұл әдіс өмірбаяндағы кейбір тұлғалардың типтерін жүріс тұрыс типтерін орнатуға негізделген . Бұл әдіс орындалатын құбылыстардың сандық жағына көңіл аударады